1237 دامووده‌زگای په‌روه‌رده‌یی له‌كه‌ركوك پشكنینی ژینگه‌یی بۆ ئه‌نجام درا

و:ئیسماعیل شوانی
15-8-2017
هۆبه‌ی ته‌ندروستی خوێندنگاكان له‌ فه‌رمانگای ته‌ندروستی كه‌ركوك له‌ سێ یه‌كه‌ی سه‌ره‌كی وه‌ك (یه‌كه‌ی ژینگه‌ی ته‌ندروستی خوێندنگاكان , یه‌كه‌ی چاوه‌دێری و هه‌ڵسه‌نگاندن و یه‌كه‌ی ته‌ندروستی خوێندكاران پێك دێت, كه‌ ئه‌م هۆبه‌یه‌ هه‌لده‌ستێت به‌دانانی پلان بۆ پشكنینی ئه‌و خوێندكارانه‌ی كه‌ تۆمار ده‌كرێن له‌ قوناغی یه‌كه‌می خوێندنی باخچه‌ی ساوایان و یه‌كی سه‌ره‌تایی و قۆناغی یه‌كه‌می كۆلێژو په‌یمانگه‌كان هه‌روه‌ها كاری سه‌ردانی كردنی خوێندنگاكان وپێدانی مۆله‌تی ته‌ندروستی بۆ داموده‌زگا په‌روه‌رده‌یه‌كان ده‌گرێته‌ ئه‌ستۆ دكتۆر عه‌لی عه‌بدوڵا به‌رێوه‌به‌ری هۆبه‌ی ته‌ندروستی خوێندنگاكان وتی : كاری ئه‌م هۆبه‌یه‌ خزمه‌تگوزاری ته‌ندروستی بۆ داموده‌زگا په‌روه‌رده‌ییه‌كانه‌ له‌ پارێزگای كه‌ركوك كه‌پشكنینی گشتی و پشكنینی مه‌ودای بینین و بیستن وده‌م ددان ودۆخی ده‌رونی خوێندكارو هه‌ڵسه‌نگاندنی خۆراك و پشكنینی وێسگه‌كانی كوتان له‌ كاره‌ سه‌ره‌كیه‌كانی ئه‌م هۆبه‌یه‌ هه‌ژمارده‌كرێت ووتیشی : ئه‌م هۆبه‌یه‌ هه‌ڵده‌ستێ‌ به‌ سه‌ردانی كردنی مه‌یدانی بۆ خوێندگاكان به‌ مه‌به‌ستی هۆشیار كردنه‌وه‌ و گه‌یاندنی زانیاری ته‌ندروستی بۆ خوێنكاران ،ئه‌م هۆبه‌یه‌ له‌ سه‌ره‌تای ساڵ تاوه‌كو ئیستا سه‌ردانی (160)خوێندنگای كردوه‌وه‌ و پشكنینی بۆ 9574 خوێندكاری نۆێی كۆلیژ وپه‌یمانگه‌كان ئه‌نجامداوه‌ و پشكنینی ژینگه‌ی بۆ (1237) داموده‌زگای په‌روه‌ده‌یی و (32) كۆلێژو په‌یمانگا كردووه‌.وه‌هه‌روه‌ها پێدانی (46)مۆڵه‌تی ته‌ندروستی .
به‌رێوه‌به‌ری یه‌كه‌ی ژینگه‌ی ته‌ندروستی خوێندنگا كان دكتۆر سه‌ده‌ف حوسین وتی: ئه‌م هۆبه‌یه‌ گرنگی به‌ته‌ندروستی ژینگه‌ی دامووده‌زگا په‌روه‌ده‌ییه‌كان و بینا حوكمیكان و كۆگاكانی ئاو هه‌روه‌ها فرۆشگای خوندێنگاكان ده‌دات له‌لایه‌ن جۆری ئه‌و خواردنانه‌ی پێشكه‌شی خوێندكاره‌كانی ده‌كات , راهێنان به‌ و كارمه‌ندانه‌ش ده‌كه‌ن كه‌ له‌ بواری ته‌ندروستی ژینگه‌ی خوێندنگاكان كار ده‌كه‌ن هه‌وره‌ه‌وها كاری ئاماده‌كردنی ئه‌و ڕاپۆرته‌ تایبه‌تانه‌ ئه‌نجام ده‌ده‌ن كه‌ بۆ ته‌ندروستی خوێندكاران ده‌كرێت ودانانی پلانی به‌دواداچوونی خویندنگاكان به‌ره‌و پرۆگرامێ پته‌وكردنی ته‌ندروستی به‌رێوه‌ ده‌بات .

 

 

 

print

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *